قبل النهار
لما تقول الصبح
قلعت النجوم وحضنتها
ولعبت وى الليل
غلبته مرتين
وشربت كبيتين كباب
كنت البعيد
هيصدقوك
قبل النهار
والبعد زي الشيش
اللى بطل من زمان
يبعت شعاعه عل الحطيان
قبل النهار
الواد بيلعب فى الهباب
والجوع من الصحبه
بقي مريلة
والعمر متقسم على الحرمان
بشبر ومنقله
قال الشباب مبقتش جايبه البهدله
قبل النهار
لكن نقول
لوكنت قلت وبالخيال
أنك هتهزم المحال
وتحط جوه السجن
فرعون والعيال
كانو على الخنكه خدوك
والناس تحت الكف فوق الكف
تتحوقل على اللى جبوك
وكان زمانك يابطل
بعد النهار
فى العباسية بيدوشوك
كان الغنى لعبة لجام
أو فلم من بتوع أمام
واد فهلوي
وحدق أوى
ال ايه جدع ويحب
صحبه وحتته
توليفه حشاشي
وجموسه هيجه
مكرشه
طلع النهار
والصبح والفجر أنتصار
أحنا الهوى والطقس
ويقولك اللهو الخفي
أحنا اللى لما الصبح يطلع
نختفي فى الضو منه ونحتفي
فى الشوف رؤا والصدر يحضن في
الرصاصة ونختفي في عز النهار
طلع النهار
والثورة حزمة فجل وجنبه كيس فشار
وولاد شوارع جنبهم مفتى
وخلفهم دكتور وطالب وأبن كار
طلع النهار
No comments:
Post a Comment