ألا البلد ياولاد مالها مقلوب حالها ..
. فى عز عصر استقلالها شبعت تشخير
حمادة عرى وأتعرى.. نظام عرة ونخب عرة
إعلام وعرة طول عمره.. مفيهاش تفكير
نشطاء كروديا فكرنها جاهزة وقاضية
أتاريها فاضية.. وخاطفها مخبر وغفير
ومابين بتعنا وبتعهم قام قلعهم
لو كان حمادة المتقلع معنى وجعهم
لو حتى باعهم كانوا نزلوا لجله التحرير
مش يسلخوه وهات يا ظرافه ولا خفافة
ويا تبقى منا ياروح أمك أو أبو أمك
تبقى المسائل بولتيكا وخشى يا ويكا
ويبقى مالها أمريكا وسلامات يا كبير
